Bos días a todos e todas!
Son a profe Vanessa e, como moitos sabedes, de pequena vivía
en Castellón que pertence á Comunidade Valencia. Por que vos conto isto??
Porque alí é tradición comer a “mona de Pascua”. É unha
sobremesa típica da Semana Santa que consiste nun bolo de fariña, ovo e azucre.
A superficie do bolo decorase con ovos cocidos (a cáscara sóese pitar de cores)
e pode ter diversas formas, como dalgún animal (serpe, mono, largato) e
finalmente recóbrese de anisetes de cores.
Nesta comunidade é típico que o padriño ou madriña agasalle
ao seu afillado cunha mona o Domingo de Pascua e que se reúnan varias familias
o Luns de Pascua para comer a mona no campo, nun parque ou ao aire libre.
Convídovos a convertervos por un instante en reposteiros e
reposteiras profesionais e a preparar a vosa propia mona de Pascua. Compartide as
vosas creacións culinarias con nós!
Aquí vos deixo algunhas receitas:
https://recetinas.com/mona-de-pascua-valenciana/
http://cocineraymadre.com/2017/03/13/monas-pascua-receta-tradicional/
https://www.youtube.com/watch?v=XupTvadu9IY
Miguel de 5ºB quixo compartir con nós, as súas creacións de Pascua, un bolo e un roscón que teñen unha pinta deliciosa!
Roscón Miguel
Bolo
Sabela García de 5ºA compartiu con nós, unhas exquisitas tortitas con chocolate! Mirade a súa receita e poñédevos mans á masa!
RECEITA TORTITAS
No hay comentarios:
Publicar un comentario