A nosa clase de sexto: octubre 2020

As cavidades dereitas (aurícula e ventrículo dereito) son as que impulsan o sangue que contén as substancias de refugo ata os pulmóns, para a súa eliminación.

Nos pulmóns recóllese o osíxeno captado polo aparello respiratorio e o sangue osixenado introdúcese no corazón pola aurícula esquerda, sendo impulsada cara o corpo dende o ventrículo esquedo.

Así, o sangue con residuos chega á aurícula dereita a través das veas pulmonares e respártese por todo o corpo a partir da artería aorta.

Todo o proceso circulatorio divídese en dúas partes que se denominan:

Circulación xeral: Percorrido que realiza o sangue por todo o corpo, excepto polos pulmóns.

O sangue chega co osíxeno á aurícula esquerda e pasa ao ventrículo esquerdo. Este contráese (sístole) e impulsa o sangue fóra do corazón pola arteria aorta. De aquí repártese a todos os órganos a través de arterias cada vez máis finas ata chegar aos capilares onde cede o osíxeno e os nutrientes e recolle o dióxido e as substancias de refugo. Os capilares reúnense para formar veas, estas vanse unindo para formas veas cavas que desembocan na aurícula dereita.

Circulación pulmonar: É o percorrido do sangue para pasar polos pulmóns. O obxectivo e que o sangue se cargue de osíxeno e libere o dióxido de carbono.

O sangue que se atopa na aurícula dereita pasa ao ventículo dereito porque se relaxa (díastole). Ese se contrae (sístole) e impulsa o sangue polas arterias pulmonares chegando ata os capilares que rodean os alvéolos pulmonares para realizar o intercambio gasoso. Unha vez realizado, o sangue volve á aurícula esquerda a través das veas pulmonares.

A CIRCULACIÓN. CIENCIAS NATURAIS

A CIRCULACIÓN

A circulación encárgase de repartir por todo o corpo o osíxeno e os nutrientes e de recoller o dióxido de carbano e as substancias de refugo.

O aparello circulatorio está formado polo sangue, os vasos sanguíneos e o corazón.

- O sangue: Ten dúas partes:

- Plasma (líquido): nutrientes, substancias de refugo, dióxido de carbono...

- Células (sólido): glóbulos vermellos (osíxeno), glóbulos brancos (defensa), plaquetas (pechar feridas).

- Vasos sanguíneos: condutos polos que circula o sangue. Tipos:

- Veas: Levan o sangue dende os órganos ao corazón.

- Arterias: Levan o sangue dende o corazón aos órganos.

- Capilares: Conducen o sangue polo interior do corpo.

-Corazón: Órgano musculoso que latexa continuamente para impulsar o sangue por todo o corpo. Está situado entre os pulmóns e protexido pola caixa toracica.